Çinin Qiymətli kağızlara nəzarət üzrə komitəsi sabiq əməkdaşı Fen Şyaoşu 37 mln. dollar məbləğində cərimələyib.
APA-nın "Sinxua" agentliyinə istinadən verdiyi xəbərə görə, buna səbəb F.Şyaoşu tərəfindən qanunsuz olaraq səhm alqı-satqısının həyata keçirilməsi olub. Bu əməliyyatlar nəticəsində komitənin sabiq əməkdaşı 36 mln. dollar məbləğində gəlir əldə edib.
Cərimə ilə yanaşı, F.Şyaoşu ömürlük qiymətli kağızlar bazarında iştirakdan kənarlaşdırılıb.