Türkiyənin "Ziraat Bank"ı "Azər Türk Bank" ASC-dəki payını satmaq niyyətindədir. "APA-Economics" xəbər verir ki, bunu "Ziraat Bank"ın baş icraçı direktoru Hüseyn Aydın bildirib.
"Bilirsiniz ki, Azərbaycanda səhmlərinin 100%-i bizə aid olan "Ziraat Bank Azərbaycan" fəaliyyət göstərir. Bununla yanaşı, "Ziraat Bank" başqa bir dövlət bankında ("Azər Türk Bank" ASC - red.) səhmdardır. Biz tədricən həmin bankdakı səhmlərimizi Azərbaycanın Maliyyə Nazirliyinə satmaq niyyətindəyik. Yaxın günlərdə əqdin bağlanacağı gözlənilir", - deyə H. Aydın bildirib.
Qeyd edək ki, "Ziraat Bank" "Azər Türk Bank"da 12,4%, "Ziraat Bank International" isə 1,08%-lik paya malikdirlər. Bankın səhmlərinin 75%-i isə Əmlak Məsələləri Dövlət Komitəsinə məxsusdur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
