Bakı. Məlahət Nəcəfova - APA. Pakistanda Hərbi Hava Qüvvələrinə məxsus helikopterin qəzaya uğraması nəticəsində 12 hərbçi ölüb.
APA-nın “TASS”-a istinadən verdiyi məlumata görə, hadisə ötən gün axşam saatlarında ölkənin şimal-qərbində Xayber-Paxtunxva vilayətində baş verib.
Məlumata əsasən, hərbi tibb işçilərini daşıyan Mi-17 helikopterinin qəzaya uğraması nəticəsində göyərtədə olan bütün sərnişinlər, o cümlədən 2 pilot, hərbi həkimlər və xidmətçi heyət ölüb.
İlkin versiyaya əsasən, hadisəyə səbəb pis hava şəraitinin olmasıdır. Qəzadan sonra helikopter yanmağa başlayıb.
Mi-17 helikopteri daşqından əziyyət çəkən insanlara yardım etmək məqsədi ilə Qilqit-Baltistan vilayətinə uçmaq üçün Çaklala hərbi bazasından havaya qalxıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
