Bakı-APA. Avqustun 15-də Gürcüstanın müdafiə naziri Tina Xidaşeli ABŞ-a səfər edəcək.
APA-nın TASS agentliyinə istinadən verdiyi məlumata görə, səfər çərçivəsində T.Xidaşeli Pentaqonun rəhbəri Eşton Karter, Ağ Ev, Dövlət Departamenti və qeyri-hökumət təşkilatları nümayəndələri ilə görüşəcək.
Danışıqlarda iki ölkə arasında münasibətlər, Gürcüstanın NATO-ya inteqrasiya məsələləri müzakirə ediləcək.
Qeyd edək ki, Tina Xidaşeli 2015-ci ilin mayında Gürcüstanın müdafiə naziri təyin edilib.