Bakı - APA-Economics. Bu gündən “Azərbaycan Kredit Bankı” ASC “Əmanətlərin sığortalanması haqqında” Azərbaycan Respublikasının Qanununun 22.3.1-ci maddəsinə uyğun olaraq Əmanətlərin Sığortalanması Fonduna üzv bankların reyestrindən çıxarılıb.
Fonddan “APA-Economics”ə verilən məlumata görə, banka verilmiş şəhadətnamə ləğv edilib.
Hazırda Fonda üzv bankların sayı 43-dür.
Qeyd edək ki, Azərbaycan Mərkəzi Bankının İdarə Heyətinin 10 iyul 2015-ci il tarixli qərarı ilə “Azərbaycan Kredit Bankı” ASC-nin lisenziyası ləğv olunub.