Meksikada baş verən zəlzələ nəticəsində ölənlərin sayı 225 nəfərə çatıb.
APA-nın “Reuters” agentliyinə istinadən verdiyi xəbərə görə, ölkə prezidenti dağıdıcı zəlzələ nəticəsində ölənlərin xatirəsinə ölkədə 3 günlük matəm elan edib.
Ötən gün Meksikada 7,1 bal gücündə zəlzələ olub. Zəlzələnin episentri Puebla de Saraqosa şəhərindən 49 km cənub-qərbdə və Tepeoxuma yaşayış məntəqəsindən 8 km aralıda, yerin səthindən 60 km dərinlikdə qeydə alınıb. Təkanlar paytaxt Mexikoda hiss olunub. Fəlakət zonasında xilasedici əməliyyat davam edir.