APA-nın nazirliyin saytına istinadən verdiyi məlumata görə, müraciətdə xaricdə təhsil alan tələbələrdən onlara çatacaq vəsaitlərin vaxtlı-vaxtında ödənilməməsi, süründürməçilik və ödənişlə bağlı üzləşdikləri digər problemlərlə əlaqədar məlumatı [email protected] elektron poçt ünvanına göndərilməsi xahiş olunur. Qeyd olunub ki, bütün bu məsələlər nazirin şəxsi nəzarətindədir. Ötən həftənin ortalarında təhsil naziri tərəfindən imzalanmış ilk sənədlərdən biri xaricdə təhsil alan tələbələrin vəsaitlərinin ödənilməsinə dair olub. Hazırda nazirlik tərəfindən xaricdə təhsillə bağlı növbəti sənəd qəbulunun nə vaxt aparılacağı və yeni prioritet istiqamətlərin nədən ibarət olacağı istiqamətində iş aparılır.
Məlumata görə, “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” çərçivəsində məzun olanların sayı 500-ə yaxındır. Bu günədək məzun olduğu haqda rəsmi sənədi nazirliyə 448 nəfər təqdim edib: “Amma təəssüflər olsun ki, bu vaxtadək məzunların neçəsinin işlə təminatı barədə statistika aparılmayıb. Hazırda beynəlxalq təcrübəyə əsaslanaraq həm xarici dövlətlərin, həm də yerli ali təhsil müəssisələrinin məzunlarının statistikasının aparılması, təhsilin keyfiyyət və kəmiyyət göstəricilərinin müəyyənləşdirilməsi, bunun əsasında əmək bazarında mövcud olan və gələcəkdə yaranacaq ixtisas prioritetlərinin müəyyənləşdirilməsi, karyera mərkəzlərinin yaradılması istiqamətində işlərin aparılması nəzərdə tutulub”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
