Aktivlərin strukturunda müştərilərə verilən kreditlərin həcmi iyulun 1-nə 9 642,4 mln. manat (xüsusi çəkisi 65,2%), müxbir hesabları 1 062,4 mln. manat (7,2%), investisiyaların həcmi 1 294,6 mln. manat (8,8%), nağd vəsaitlər 619,6 mln. manat (4,2%), maliyyə sektoruna verilmiş kredit və depozitlərin həcmi 647,2 mln. manat (4,4%), digər aktivlər isə 1 512,6 mln. manat (10,2%) təşkil edib.
Kommersiya banklarının passivlərinin 85,0%-i bank öhdəliklərinin payına düşür. Belə ki, bankların məcmu öhdəliklərinin həcmi 12 555,6 mln. manat təşkil edib. Öhdəliklərin tərkibində 6 823,1 mln. manat depozitlər, 4 539,9 mln. manat maliyyə sektorundan alınmış kredit və depozitlər, 1 192,5 mln. manat digər öhdəliklərin payına düşür. Bankların məcmu kapitalı 2012-ci il iyulun 1-nə 2 223,2 mln. manata bərabər olub.
Bankların aktiv və passivlərin strukturunu təhlil edərkən bir neçə məqam diqqət çəkir. Belə ki, bu ilin II rübü ərzində müxbir hesablarda olan vəsaitlərin həcmi 573 mln. manat azalıb, müştərilərə verilən kreditlər isə öz növbəsində 524 mln. manat artıb. Bu fakt banklar tərəfindən kreditləşmədə fəallaşdığını və «işləməyən» vəsaitlərin azaldıldığını göstərir. Bundan başqa, II rüb ərzində depozitlərin həcmində 254 mln. manatlıq azalma müşahidə olunub ki, bu da əsasən «axar» passivlər hesab olunan hüquqi şəxslərin depozitləri hesabına baş verib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
