Bakı. Şəhriyar Əlizadə - APA. Tovuz rayonunda quldurluq edən şəxslər saxlanılıb.
APA-nın DİN-in saytına istinadən verdiyi məlumata görə, yanvarın 17-də Tovuz rayonunda yerləşən Qovlar dəmir yolu stansiyasında şəxsiyyəti məlum olmayan 3 nəfər, Hacıqabul rayon sakini Şirinbala Əliyevə zor tətbiq edərək 227 manatını və mobil telefonunu alıblar.
Nəqliyyatda Baş Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş rayon sakinləri Valeh Qafarov və Elşən Alıyev tutulublar.
Faktla bağlı araşdırma aparılır.