“ABŞ prezidenti Donald Trampın BMT-də İranla bağlı çıxışı onun beynəlxalq müqavilələri və hüquq prinsipləri zəif bilməsindən qaynaqlanır”.
APA-nın Tehran bürosunun məlumatına görə, bunu İran Milli Təhlükəsizlik Şurasının katibi Əli Şamxani deyib.
O bildirib ki, bu kimi çıxışlar onun sülhə zidd mövqeyinin göstəricisidir: “Tramp hələ də seçki ab-havasından çıxmayıb. Məsləhətçiləri ona xatırlatmalıdır ki, təbliğat xarakterli hərəkətlərin ölkələrin iradəsinə heç biri təsiri yoxdur”.
Ə. Şamxani qeyd edib ki, İran hüquqlarını qoruyur və Hollivud səs-küyündən təsirlənmir. “Beynəlxalq Nüvə Enerjisi Təşkilatı 7 dəfə İranın Hərtərəfli Birgə Fəaliyyət Planı üzrə öhdəliklərini yerinə yetirdiyini açıqlayıb. KİV vasitəsilə psixoloji müharibə apararaq hansısa ittihamlar irəli sürməyin heç bir mənası yoxdur. ABŞ-ın HBFP planı ilə bağlı mövqeyi onun beynəlxalq diplomatik prinsiplərə sadiq olmamasının göstəricisidir”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
