Azərbaycanın Rusiyadakı ticarət nümayəndəsi Ruslan Əliyev Rusiya Xarici İşlər Nazirliyinin medalı ilə təltif edilib.
APA-nın Moskva müxbiri xəbər verir ki, azərbaycanlı diplomat Rusiya XİN-nin "Qarşılıqlı fəaliyyətə görə" ("За взаимодействие") medalı ilə mükafatlandırılıb.
Qeyd edək ki, Ruslan Əliyev 1974-cü ildə anadan olub. 1996-cı ildə Moskva Dövlət Beynəlxalq Münasibətlər İnstitutunun (MQİMO) beynəlxalq hüquq fakültəsini bitirib, 1999-cu ildə isə beynəlxalq iqtisadi münasibətlər fakültəsinin sığorta kafedrasında namizədlik dissertasiyası müdafiə edib.
1996-2000-ci illərdə Azərbaycan Respublikası Xarici İşlər Nazirliyində, 2000-2004-cü illərdə ARDNŞ-in sığorta məsələləri üzrə xarici investisiyalar idarəsi rəisinin müavini vəzifəsində çalışıb.
2011-ci ildə Rusiya Xarici İşlər Nazirliyinin Moskva Dövlət Beynəlxalq Münasibətlər İnstitutunun kafedra müdiri vəzifəsinə, 2021-ci ildə həmin ali təhsil ocağının Dayanıqlı İnkişaf Mərkəzinin direktoru təyin edilib. O, bu institutda kafedra müdiri vəzifəsini tutan ilk azərbaycanlı olub.
2017-ci ildə isə R.Əliyev Azərbaycanın Rusiya Federasiyasındakı ticarət nümayəndəsi təyin olunub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
