2023-cü ilin yanvar-noyabr aylarında Azərbaycana 64 milyon 771 min dollar dəyərində 12 477 ton çay idxal olunub ki, bu da ötən ilin müvafiq dövrü ilə müqayisədə həcm baxımından 5.2%, dəyər baxımından isə 5,9% azdır.
“APA-Economics”in Dövlət Gömrük Komitəsinin hesabatı əsasında apardığı hesablamalara görə, hesabat dövründə Azərbaycandan 5 milyon 906 min dollar dəyərində 649 ton çay ixrac olunub ki, bu da illik müqayisədə həcm baxımından 46%, dəyər baxımından isə 2.6 dəfə azalıb.
Qeyd edək ki, 2022-ci ilin yanvar-noyabr ayları ərzində Azərbaycan 10 milyon 976 min dollar dəyərində 1719 ton çay ixrac, 68 milyon 802 min dollar dəyərində isə 13 155 ton çay idxal edib.
Bu dövrdə çayın 1 tonunun orta idxal qiyməti 5229 dollar, ixracının qiyməti isə 9087 dollar təşkil edib. Beləliklə çayın ixrac qiyməti idxal qiymətindən 73% çox olub.
Xatırladaq ki, 2023-cü ilin yanvar-noyabr aylarında ölkədə 10 588 ton çay istehsal edilib.
Əlavə edək ki, hesabat dövründə çay ixracı Azərbaycanın ümumi ixracının 0,02%-ni, çay idxalı isə ölkənin ümumi idxalının 0,41%-ni təşkil edib. Bu dövrdə idxal ixracı 19.2 dəfə üstələyib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
