Sənaye və energetika

Ana səhifə

«Anshad Petrol» şirkəti yanvar-avqust aylarında qaz hasilatını artırıb

10 oktyabr 2008 07:16 (UTC +04:00)

Bakı. Vüqar Mustafayev – APA-Economics. Azərbaycanın quru sahəsində yerləşən «Neftçala», «Xıllı» və «Babazanan» yataqlarının işlənməsi ilə məşğul olan «Anshad Petrol» müştərək müəssisəsi (MM) 2008-ci ilin yanvar-avqust ayları ərzində 18,5 mln. kubmetr qaz hasil edib. MM-in baş ofisindən «APA-Economics»ə verilən məlumata əsasən, əvvəlki ilin analoji 8 aylıq göstəricisi ilə müqayisədə qaz hasilatının həcmi 1,1% artıb. Təkcə avqust ayında şirkət 1,4 mln. kubmetr qaz hasil edib.
Xatırladaq ki, «Anshad Petrol» MM 1993-cü ildə ARDNŞ ilə Türkiyənin «Atilla Dogan Petrol» şirkəti arasında keçmiş «Neftçalaneft» NQÇİ-nin bazasında yaradılıb. «Anshad Petrol» MM-in operatoru rolunda 1994-1996-cı illərdə «Atilla Dogan Petrol» şirkəti çıxış etsə də, 1997-ci ildən etibarən ARDNŞ bu funksiyanı öz üzərinə götürüb. Həmçinin, 1995-ci ildə Malaziyanın «Land and General Berhad» şirkəti «Atilla Dogan Petrol»un layihədəki 17,15%-lik iştirak payını əldə edərək bu layihəyə qoşulub.