Sənaye və energetika

Ana səhifə

APA İnformasiya Agentliyi Türkmənistan Beynəlxalq İnvestisiya Forumunun rəsmi media tərəfdaşı seçilib

20 avqust 2009 14:54 (UTC +04:00)

Bakı. Nicat Mustafayev – APA-Economics. Bu ilin oktyabr ayının 15-17-də Aşqabadда Türkmənistan Beynəlxalq İnvestisiya Forumu keçiriləcək. APA İnformasiya Agentliyinə forumun rəsmi media tərəfdaşı statusu verilib.

«APA-Economics»in məlumatına görə, ölkənin Nazirlər Kabinetinin dəstəyi ilə keçirilən forumun təşkilatçıları rolunda Türkmənistan Ticarət-Sənaye Palatası və «IC ENERGY» şirkəti çıxış edir. Tədbirdə Türkmənistan prezidenti Qurbanqulı Berdımühəmmədovun da iştirak edəcəyi gözlənilir.

Forumda əsas diqqət Türkmənistanda formalaşmış investisiya mühiti, əməkdaşlıq perspektivləri, milli iqtisadiyyatın ayrı-ayrı sahələrinin, o cümlədən, nefteqaz kompleksi, glektrik enerjisi, tikinti, nəqliyyat, rabitə sektorları, bank-maliyyə, aqrar-sənaye kompleksi, yüngül sənaye, turizm, tibb və s. sahələrin inkişaf potensialının müzakirəsinə yönəldiləcək.

Tədbirdə Dünya Bankı, Asiya İnkişaf Bankı, Avropa Yenidənqurma və İnkişaf Bankı, Beynəlxalq Maliyyə Korporasiyası, İslam İnkişaf Bankı, DEG İnvestisiya Korporasiyası, «PricewaterhouseCoopers», «Eurasia Capital Management», «Deutsche Bank», «VTB Capital», «Gedeon Richter», həmçinin BP, «Chevron», «Exxon Mobil», «ConocoPhillips», ENI, OMV, RWE, «TOTAL», «Lukoil», «Dragon Oil», «Nobel Oil», «General Electric», «Halliburton», «Marubeni», «Mitsubishi», «Oracle» və s. şirkət və təşkilatların yüksək vəzifəli nümayəndələrinin iştirak edəcəyi artıq rəsmən təsdiqlənib.

Daha ətraflı məlumat almaq və qeydiyyatdan keçmək üçün www.turkmenistan-investmentforum.com ünvanına daxil olun.

Proqramla bağlı məlumat almaq və forumda məruzəçi qismində iştirak etmək üçün isə Qreqori von Qraffla əlaqə saxlayın:
Tel: +44 (0) 203 286 2251
E-mail: [email protected]

Qeyd edək ki, forumun rəsmi media tərəfdaşları rolunda həmçinin «Caspian Energy», «Business News Europe», «Argus», «The Moscow Times», «Business Monitor International» və s. təşkilatlar çıxış edir.