Sənaye və energetika

Ana səhifə

Avropa İttifaqı Türkmənistanın Ümumdünya Ticarət Təşkilatına üzv olmasını istəyir

17 yanvar 2011 08:12 (UTC +04:00)

Bakı. Nicat Mustafayev - APA-Economics. Avropa İttifaqı Türkmənistanı Ümumdünya Ticarət Təşkilatına (ÜTT) üzv olmaq üçün müraciət etməyə çağırıb.

«APA-Economics»in BBC-yə istinadən verdiyi məlumata görə, bu barədə Aşqabadda səfərdə olan Avropa Komissiyasının sədri Joze Manuel Barrozu bildirib.

Türkmənistan prezidenti Qurbanqulu Berdıməhəmmədovla görüşən J.M.Barrozu qeyd edib ki, Avropa Komissiyası Türkmənistanın əsas ticarət tərəfdaşlarından sayılır və Türkmənistanın ÜTT-yə üzv olması tərəflər arasında ticarət əlaqələrini bir qədər də yaxşılaşdıracaq.

Bundan başqa, J.M.Barrozu Türkmənistanı Avropaya qazın çatdırılması məsələsində tələsməyə çağırıb. Sədrin sözlərinə görə, Avropada regionun Rusiya qazından asılı olduğunu düşünürlər.

Avropa Komissiyasının nümayəndəsi həmçinin bildirib ki, Türkmənistan və Azərbaycanla hələ razılıq əldə olunmasa da, layihənin icrası ehtimal olunur.

Öz növbəsində Q.Berdıməhəmmədov bildirib ki, Türkmənistan Avropa üçün qazın nəqlinin artırılması istiqamətində imkanlar axtarır.