Bank Of Baku

Azərbaycan yanvarda avtomobil benzininin ixracını azaldıb

Azərbaycan yanvarda avtomobil benzininin ixracını azaldıb
# 02 fevral 2011 15:55 (UTC +04:00)
Bakı. Əli Əhmədov - APA-Economics. Azərbaycan Dövlət Neft Şirkəti (ARDNŞ) yanvar ayında xaricə avtomobil benzininin ixracını kəskin azaldıb.

ARDNŞ-dən “APA-Economics”ə verilən məlumata görə, şirkətin Marketinq və İqtisadi Əməliyyatlar İdarəsi 2011-ci ilin yanvar ayında 1 min 982 ton avtomobil benzini, 123 min 531 ton dizel yanacağı, 9 min 954 ton təyyarə yanacağı ixrac edib.

Bir ay əvvələ - 2010-cu ilin dekabrına nisbətən avtomobil benzininin ixracı 11 dəfə azalıb, əvəzində dizel yanacağının ixracı 28%, təyyarə yanacağının ixracı 0,5% artıb. Yanvar ayında soba mazutu ixrac edilməyib.

2011-ci ilin yanvar ayında dünya bazarında avtomobil benzininin qiyməti (1 ton üçün) 868,30 dollar, təyyarə yanacağının 866,49 dollar, dizel yanacağının 798,06 dollar, 1%-li kükürdlü mazutun qiyməti isə 512,31 dollar təşkil edib. Bu, bir ay əvvəlki qiymətlərdən orta hesabla 5,3%-7,1% yüksəkdir.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR