Sənaye və energetika

Ana səhifə

«Azərikimya» kimya məhsullarının satışını elan edib

02 iyul 2012 14:02 (UTC +04:00)

Bakı. Əli Əhmədov – APA-Economics. Azərbaycan Dövlət Neft Şirkətinin «Azərikimya» İstehsalat Birliyi (İB) öz istehsalı olan kimya sənayesi məhsullarını satışa çıxarıb.

İB-dən «APA-Economics»ə verilən məlumata görə, bura qliserin, optofosfat turşusu, kalium qələvisi, natrium bixromat, modifikasiya olunmuş mlsp-r polimeri, dixloretan, əhəng daşı daxildir.

Satışa çıxarılan məhsullar bunlardır:

Qliserin
Miqdar (ton): 190,0
Tətbiq sahəsi: Qida sənayesində, tütün istehsalında, tibb sahəsində, toxuculuq sənayesində, kənd təsərrüfatında, lak və boya sənayesində, elektrotexnika və radiotexnika sahəsində və s.

Optofosfat turşusu
Miqdar (ton): 19,0
Tətbiq sahəsi: Lehimləmə zamanı aşqar kimi (mis, qara metal, paslanmayan polad), molekulyar biologiya sahəsində tədqiqatlar zamanı və paslanmış metal səthlərin təmizlənməsi üçün tətbiq olunur. Korroziyanın qarşısını almaq üçün təmizlənmiş səthdə qoruyucu qat əmələ gətirir. Sənaye soyuducu qurğularında freonların tərkibində bağlayıcı vasitə kimi də istifadə olunur.

Kalium qələvisi
Miqdar (ton): 2,0
Tətbiq sahəsi: E525 qida əlavələri kimi qida sənayesində, metan qazının alınmasında, məhlullarda turş qazlarının tutulması və bəzi kationların müəyyən edilməsində istifadə olunur. Maye yuyucu vasitələrin və kalium duzlarının alınmasında ilkin məhsul kimi istifadə edilir və s.

Natrium bixromat
Miqdar (ton): 14,0
Tətbiq sahəsi: Dəri və xəz sənayesində, kimya sənayesində qeyri-üzvi kimyəvi birləşmələrin, katalizatorların və xrom tərkibli birləşmələrin, kimyəvi reaktivlərin alınmasında, toxuculuq sənayesində parçaların boyadılmasında, digər sənaye sahələrində, mühərriklər üçün antifrizin alınmasında, asetilenin təmizlənməsində və qələvi batareyalarda elektrolit kimi istifadə olunur.

Modifikasiya olunmuş MLSP-R polimeri
Miqdar (ton): 63,0
Tətbiq sahəsi: Neft və qaz quyularının qazılması zamanı qazma məhsullarının durulaşdırıcısı kimi istifadə olunur

Dixloretan
Miqdar (ton): 290,0
Tətbiq sahəsi: Vinilxlorid, etilendiamin, əczaçılıq preparatlarının istehsalında və həlledici kimi istifadə olunur

Əhəng daşı
Miqdar (ton): 2505,0
Tətbiq sahəsi: Tikintidə və əhəng südü almaq üçün istifadə olunur

Maraqlananlar aşağıdakı əlaqə telefonu və e-mail ünvanına müraciət edə bilərlər: Rasim Atakişiyev - 012 521 25 21, 018 65 5 96 37; e-mail: [email protected]