Bakı – APA-Economics. Məşğulluğun artırılması və insanların sosial-iqtisadi həyatının inkişafına dəstək olmaq üçün Qaradağ rayonunda “Holcim (Azərbaycan)” şirkətinin Məşğulluq-Məsləhət Mərkəzi böyük rol oynayır.
Şirkətdən “APA-Economics”ə verilən məlumata görə, bu Mərkəz bir sıra vacib xidmətləri həyata keçirir: karyera planlaşdırılması, tərcümeyi-halın düzgün yazılması, əmək bazarı və vakant işlərlə bağlı məlumatın yayımı, seminar və təlimlər, eyni zamanda dövlət sosial xidmətindən yararlanmaq üçün gərəkli məsləhətlər.
Yarandığı 2011-ci ilin avqust ayından etibarən Məşğulluq Mərkəzində 1000 nəfər Qaradağ rayon sakininə karyera inkişafı ilə bağlı xidmət göstərilib, o cümlədən 800 nəfərə yaxın sakin təlimdən keçib, 60 nəfərdən çox dövlət sosial xidmətlərindən yararlanıb və 140-dan artıq yerli sakinə iş tapılıb.
Dövlət və özəl şirkətləri arasında yeni iş yerləri aparıcı tikinti, inşaat materialları, neft və qaz, avtomobil, təmizlik və digər sahələrdə olmuşdur. O da qeyd olunmalıdır ki, işə qəbul olunanlar sadəcə Qaradağ rayonunda deyil, bütün ölkə üzrədir.
“Holcim (Azərbaycan)” şirkəti Qaradağ rayonu sakinlərinə daim dəstək olmaqla onların yaşayış səviyyəsinin artırılmasında müsbət rol oynayır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
