Şirvan. Əlibəy Zeynallı - APA. «Garasu Oil» əməliyyat şirkətinin fəhlələri aksiya keçiriblər. Bu barədə APA-nın Mil-Muğan bürosuna «Garasu Oil» şirkətində işləyən neftçilər məlumat veriblər.
Onların bildirdiyinə görə, bu gün saat 07:00 radələrində «Garasu Oil»un 200 nəfərdən çox neftçisi işə çıxmaqdan imtina edib və şirkətin ofisinin qarşısına toplaşaraq şirkətin prezidenti Aleksandr Narbutovskix ilə görüşmək istəyiblər. Aksiya saat 11:00-a qədər davam edib.
Fəhlələr prezidentlə görüşdükdən sonra iş yerlərinə qayıdıblar. Neftçilərin tələbləri əmək haqlarının artırılması və iş şəraitinin yaxşılaşdırılması ilə bağlı olub. Onlar bildiriblər ki, artıq 6 ildir neftçilərin əksəriyyəti 240-300 manat civarında əmək haqqı alır və bu, onları qane etmir. Həmçinin bildirilib ki, fəhlələri daşıyan nəqliyyat vasitələri ilə iş yerinə çətinliklə gələ bilirlər.
APA-nın «Garasu Oil»un prezidenti A.Narbutovskixlə əlaqə saxlamaq cəhdləri isə nəticəsiz qalıb. Şirkəti digər rəsmiləri də APA-nın suallarını cavablandırmayıblar.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
