Bakı. Əli Əhmədov – APA-Economics. Azərbaycanda fərdi yaşayış evlərinə alternativ enerji qurğularının quraşdırılması üçün ev sahiblərinə aşağı faizlərlə uzunmüddətli kreditlər veriləcək.
Alternativ və Bərpa olunan Enerji Mənbələri üzrə Dövlət Agentliyinin sədr müavini Cəmil Məlikov «APA-Economics»ə açıqlamasında bildirib ki, bu məsələ hazırda Nazirlər Kabinetində baxılmaqda olan Alternativ və bərpa olunan enerjinin inkişafı üzrə Strategiyada nəzərdə tutulub: «Strategiyaya əsasən, həmin kreditlərin dövlət tərəfindən verilməsi planlaşdırılır».
Sədr müavini bildirib ki, hazırda sənədlə bağlı aparılan qurumlararası müzakirələr demək olar ki, başa çatıb: «Layihə ilə bağlı bütün dövlət orqanlarının rəyi alınıb».
C.Məlikovun sözlərinə görə, strategiyaya əsasən, 2020-ci ilədək ölkədə istehsal edilən enerjinin 20%-nin alternativ və bərpa olunan mənbələr hesabına istehsal olunması gözlənilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
