Sənaye və energetika

Ana səhifə

IFC Azərbaycan Dövlət Neft Şirkəti üçün Türkiyədə neft emalı zavodunun inşasına 300 mln. dollar cəlb edəcək

03 iyul 2013 07:21 (UTC +04:00)

«APA-Economics»in IFC-yə istinadən verdiyi məlumata görə, artıq avqustun 12-də Korporasiyanın Direktorlar Şurasının kreditin ayrılmasını təsdiqləyəcəyi gözlənilir. IFC tərəfindən neft emalı zavodunun inşasına 150 mln. ABŞ dolları məbləğində kreditin ayrılması nəzərdə tutulur. Bununla yanaşı, IFC daha 150 mln. dollar həcmində vəsaiti kommersiya banklarından cəlb edilməsinə yardım göstərəcək.

Qeyd edək ki, «STAR Rafineri A.S.» neft emalı zavodunun inşası 5,3 mlrd. dollar məbləğində qiymətləndirilir. ARDNŞ zavodun inşası üçün artıq Avropa Yenidənqurma və İnkişaf Bankından (150 mln. dollar) və Qara Dəniz Ticarət və İnkişaf Bankından (58 mln. dollar) kredit cəlb edib.

Xatırladaq ki, «STAR Rafineri A.S.» neft emalı zavodunun səhmdarları sırasına ARDNŞ-in törəmə müəssisəsi olan «SOCAR Turkey Energy A.S.» şirkəti (81,5%) və «Turcas Petrol»a məxsus olan «Turcas Rafineri Yatırımları A.S.» şirkəti (18,5%) daxildir.