Bakı. Əli Əhmədov - APA-Economics. “SOCAR Ukraine” şirkətlər qrupu və “Qarant-Avto” sığorta şirkəti bir neçə sığorta proqramı üzrə əməkdaşlıq haqqında saziş imzalayıb.
“APA-Economics”in xəbərinə görə, sazişin şərtlərinə əsasən şirkətin Ukraynadakı bütün əmlakı, habelə “SOCAR” brendi ilə fəaliyyət göstərən yanacaqdoldurma məntəqələri 2013-cü ildən etibarən sığortalanıb.
KASKO və OSQPO proqramları üzrə sığortalama şirkətin minik və yük avtomobilləri parkına, o cümlədən benzin daşıyan maşınlara, yedəkçilərə, təhlükəli yüklərə və obyektlərə şamil ediləcək.
“SOCAR Ukraine” və “Qarant-Avto” gələcəkdə tərəfdaşlıq proqramları və birgə aksiyalar istiqamətində əməkdaşlığı genişləndirməyi planlaşdırırlar.
Qeyd edək ki, “SOCAR Ukraine” şirkətlər qrupu 2009-cu ildən etibarən “SOCAR” brendi ilə fəaliyyət göstərən YDM şəbəkəsini inkişaf etdirir. Hazırda şirkətlər qrupu 65 YDM-in aktivlərini idarə edir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
