Sənaye və energetika

Ana səhifə

Azərbaycan Dövlət Neft Şirkətinin yanacaqdoldurma gəmisi Dnepr çayında xidmət göstərməyə başlayıb

21 may 2013 07:45 (UTC +04:00)

Bakı. Nicat Mustafayev – APA-Economics. Azərbaycan Dövlət Neft Şirkətinin (ARDNŞ) üzən yanacaqdoldurma məntəqəsi yeni mövsümdə Kiyevdə «Azimut» yaxta klubunun Dnepr çayı akvatoriyasında yaxta, kater və qayıqlara xidmət göstərməyə başlayıb.

«APA-Economics»in ARDNŞ-a istinadən verdiyi məlumata görə, məntəqədə eyni zamanda iki gəmiyə yanacaq doldura bilir. Onlardan birinə «Nano» dizel yanacağı, digərinə A-95 «Nano» benzini vurulur. Üzən yanacaqdoldurma məntəqəsinin rezervuarları ümumilikdə 67 kubmetr neft məhsulu tutur. Yanacağın xüsusi avadanlıqla təchiz olunmuş yerlərdə doldurulması və bunker qayığının ekoloji aptek qutusu ilə təchiz edilməsi suyun neft məhsulları ilə çirklənməsinin qarşısını alır.

SOCAR brendi altında fəaliyyət göstərən «Bakı-1» yanacaqpaylayıcı gəmi ilk dəfə suya 2011-ci il avqustun 27-də buraxılıb. Gəmi may ayından sentyabradək davam edən mövsüm dövründə işləyir. Gəmi kiçikölçülü nəqliyyat vasitələri – qayıq, kater, yaxta və hidrosikllər üçün nəzərdə tutulub. Gəminin konstruksiyası ondan çay və dəniz akvatoriyalarında istifadə etməyə imkan verir.