Bakı. Nicat Mustafayev – APA-Economics. Bu ilin aprel ayında Azərbaycanda sənaye məhsullarının istehsalçı qiymətləri indeksi əvvəlki aya nisbətən 5%, 2012-ci ilin müvafiq dövrünə nisbətən isə 8,7% aşağı düşüb.
Dövlət Statistika Komitəsindən «APA-Economics»ə verilən məlumata görə, ay ərzində mədənçıxarma sənayesi bölməsində istehsalçı qiymətləri xam neft və təbii qaz hasilatı üzrə 5,7%, metal filizlərinin hasilatı üzrə 2,3% ucuzlaşıb, daş, qum, çınqıl, duz və digər mədənçıxarma sənayesi məhsullarının hasilatı üzrə isə 0,5% bahalaşıb.
Aprel ayında emal sənayesi bölməsində istehsalçı qiymətləri əczaçılıq məhsullarının istehsalı üzrə 4,8%, kimya sənayesi üzrə 3%, geyim istehsalı üzrə 2,2%, metallurgiya sənayesi üzrə 1,1%, poliqrafiya fəaliyyəti üzrə 0,8%, avtomobil və qoşquların istehsalı üzrə 0,2%, kompüter və digər elektron avadanlıqların istehsalı üzrə isə 0,1% bahalaşıb, maşın və avadanlıqların quraşdırılması və təmiri üzrə 7%, tütün məmulatlarının istehsalı üzrə 6,4%, kağız və karton istehsalı üzrə 6,2%, dəri və dəri məmulatlarının, ayaqqabıların istehsalı üzrə 5,3%, maşın və avadanlıqlardan başqa hazır metal məmulatlarının istehsalı üzrə 4%, tikinti məmulatlarının istehsalı üzrə 1,5%, zərgərlik, musiqi, idman və tibb avadanlıqlarının istehsalı üzrə 1,3%, toxuculuq sənayesi üzrə 1,2%, elektrik avadanlıqlarının istehsalı üzrə 1,1%, qida məhsullarının istehsalı üzrə 1%, neft məhsullarının istehsalı üzrə 0,6%, rezin və plastik kütlə məmulatlarının istehsalı üzrə 0,3%, maşın və avadanlıqların istehsalı və həmçinin, mebel istehsalı üzrə 0,1% ucuzlaşıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
