Bakı. Aynur Əliyeva – APA-Economics. Bu gün Bakı şəhərinin Nəsimi və Yasamal rayonlarının qaz təchizatında məhdudiyyətlər olacaq.
ARDNŞ-in «Azəriqaz» İstehsalat Birliyinin mətbuat xidmətindən «APA-Economics»ə verilən məlumata görə, təmir işləri ilə əlaqədar olaraq bu gündən saat 18:00-dək «Alatava» Qazpaylayıcı Stansiyasından qidalanan «Mikrorayon 500 mm-lik» orta təzyiqli qaz kəmərindən qaz təchizatı dayandırılacaq.
Qeyd edək ki, təmir işləri aparılan müddətdə Nəsimi və Yasamal rayonlarının bir hissəsinə təbii qazın verilməsində fasilələr yaranacaq.