Bakı. Musa Əhmədov - APA-Economics. 2014-cü ildə Azərbaycan Dövlət Neft Fondu (ARDNF) tərəfindən Bakı-Tbilisi-Qars yeni dəmir yolu layihəsinin maliyyələşdirilməsinə 72,7 mln. ABŞ dollları və ya 57,1 mln. manat yönəldilib.
“APA-Economics”in xəbər verir ki, bu barədə məlumat Nazirlər Kabinetinin 2014-cü ildə fəaliyyəti haqqında hesabatda əks olunub.
Hesabatda qeyd olunur ki, bu maddə üzrə ARDNF-nin xərcləri Fondun büdcəsində nəzərdə tutulana nisbətən (132,3 mln. manat) və yaxud 43,1% səviyyəsində icra olunub.
2007-2014-cü illər ərzində ARDNF-dən bu layihənin maliyyələşdirilməsinə ümumilikdə 424,2 mln. manat və yaxud 536,6 mln. ABŞ dolları məbləğində vəsait ayrılıb.
Qeyd edək ki, Bakı-Tbilisi-Qars dəmir yolu layihəsinin maliyyələşdirilməsi çərçivəsində Türkiyənin ərazisində 76 km və Gürcüstan ərazisində 26 km uzunluğunda olan Qars-Axalkalaki dəmir yolunun tikintisi və Gürcüstan ərazisində 160 km uzunluğunda Axalkalaki-Marabda yolunun reabilitasiya-rekonstruksiyası işlərinin həyata keçirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
