Şəki. Vüqar Heydərov - APA. Şəkidə baş verən yol qəzasında bir nəfər xəsarət alıb. APA-nın Şəki-Zaqatala bürosunun məlumatına görə, yol qəzası martın 16-dan 17-nə keçən gecə saat 1 radələrində Şəki-Qax yolunun Qoxmuq kəndi ərazisindən keçən hissəsində baş verib. Şəki rayonu, Aşağı Layısqı kənd sakini Abid Arif oğlu Səmədov idarə etdiyi “Mercedes” markalı , 99 CD 648 dövlət nişan nömrəli avtomobili idarəetməni itirməsi səbəbindən yolun kənarına aşırıb. Qəza nəticəsində müxtəlif dərəcəli bədən xəsarətləri alan Abid Səmədov Şəki Mərkəzi Rayon Xəstəxanasına (MRX) çatdırılıb.
Şəki MRX-dan APA-ya verilən məlumata görə, qəza nəticəsində xəsarət alan Abid Səmədovun hazırda vəziyyəti orta-ağır hesab olunur.
Faktla bağlı Şəki Rayon (Şəhər) Polis Şöbəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
