Xarici siyasət

Ana səhifə

Xarici siyasət

Azərbaycan prezidenti Bakıda keçirilən beynəlxalq qida sənayesi və kənd təsərrüfatı sərgiləri ilə tanış olub - FOTOSESSİYA

Azərbaycan prezidenti Bakıda keçirilən beynəlxalq qida sənayesi və kənd təsərrüfatı sərgiləri ilə tanış olub - <span style="color: red;">FOTOSESSİYA

22 may 2014 14:30 (UTC +04:00)

APA-nın xəbərinə görə, kənd təsərrüfatı naziri Heydər Əsədov dövlət başçısına məlumat verib ki, “World Food Azerbaijan–2014” sərgisi dünyaca məşhur “World Food” sərgi brendinin bir hissəsidir və özündə Rusiya, Ukrayna, Qazaxıstan, Özbəkistan, Hindistan, Türkiyə və digər ölkələrin qida sənayesi üzrə ən iri sərgilərini birləşdirir.

Sərgi 20 illik yubileyini rekord sayda eksponentlə, yəni 242 iştirakçı şirkətlə qeyd edir. İlk dəfədir ki, sərgiyə dünyanın 36 ölkəsindən nümayəndələr qatılıblar. Ənənəvi olaraq, bu siyahıda üstünlük Avropa (57 faiz) və MDB (15 faiz) ölkələrinin şirkətlərinə məxsusdur.

Regionlarda ən yeni avadanlıq və istehsal texnologiyalarının tətbiqini stimullaşdırmaq məqsədilə “World Food Azerbaijan” və “Agri Hort Azerbaijan” sərgilərində Bərdə, Qəbələ, Gəncə, Lənkəran, Saatlı, Sabirabad, Xaçmaz və digər rayonlardan sahibkarlar üçün infoturlar təşkil edilib. Ümumilikdə, iştirakçılar öz məhsullarını 3 əsas istiqamətdə nümayiş etdirirlər: qida sənayesi (“WorldFood”), içkilər (“WorldDrink”) və ərzaq texnologiyaları (“WorldFoodTech”). Sərgidə ət, balıq, qənnadı və çörək-bulka məmulatları, habelə meyvə-tərəvəz, içkilər, çay, qəhvə, süd və yağ-piy məhsulları təqdim olunur. Stendlərdə, həmçinin qida sənayesi üçün avadanlıq və inqrediyentlər nümayiş etdirilir.

Diqqətə çatdırılıb ki, “Agri Hort Azerbaijan–2014” sərgisində Azərbaycan, ABŞ, Almaniya, İspaniya, İtaliya, Niderland Krallığı, Rusiya, Ukrayna, Fransa və digər ölkələrin şirkətləri təmsil olunur. Sərgidə kənd təsərrüfatı və quşçuluq fabrikləri üçün avadanlıq, habelə istixanalar, suvarma sistemləri, heyvan və balıq yemi, toxumlar, gübrələr və s. nümayiş etdirilir.

Qeyd edilib ki, sərginin sahəsi ötən illə müqayisədə 2,5 dəfə artıb. Builki sərginin daha bir fərqləndirici xüsusiyyəti kənd təsərrüfatı texnikasına həsr olunmuş ekspozisiya sahəsinin genişlənməsidir. Belə ki, həmin ekspozisiya Bakı Sərgi Mərkəzi ilə yanaşı, açıq meydançada təşkil olunub. Burada “AzTexnika”, “John Deere”, Gəncə avtomobil zavodu, “Klever”, “Rostselmaş” və “Qomselmaş” kimi istehsalçı və distribüterlər öz məhsullarını nümayiş etdirirlər.

Azərbaycan prezidenti sərgilərin pavilyonları ilə tanış olub.