Bakı-APA. Türkiyə Suriya ilə sərhəddə olan bir neçə yaşayış məntəqəsindən əhalinin çıxarılması barədə qərar verib.
APA-nın Türkiyənin Doğan Xəbər Agentliyinə istinadən verdiyi xəbərə görə, Suriya tərəfindən atılan güllələr nəticəsində 4 sakinin yaralanmasından sonra Şanlı Urfa valiliyi Suruc rayonunda Kiçik Kəndirli və Böyük Kəndirli məhəllələrinin boşaldılmasına qərar verib.
Bölgəyə giriş-çıxış qadağan olunub, sərhədə tanklar göndərilib, jurnalistlər təhlükəsizlik məqsədi ilə bölgənin Kobanini görən hissəsindən çıxarılıblar.
Rəsmilər bu məhəllələrdə yaşayanların bir müddət rəsmi qurumların qonaq evlərində yerləşdiriləcəklərini bildiriblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
