Bakı. Şəhriyar Əlizadə - APA. Ədliyyə Nazirliyi Penitensiar Xidmətinin Baş idarəsində orta rəis heyətinə xidmətə qəbulla əlaqədar müsabiqə komissiyasının növbəti iclası keçirilib.
Xidmətin ictimaiyyətlə əlaqələr şöbəsindən APA-ya verilən məlumata görə, Penitensiar Xidmətin rəisi Mədət Quliyevin sədrliyi ilə keçirilən müsabiqə komissiyasına orta rəis heyətinə xidmətə qəbul olmaq istəyən 20 nəfər namizəd təqdim edilib.
Namizədlərdən 5 nəfəri Penitensiar Xidmətin tabe qurumlarında xidmət aparan kiçik rəis heyətinin əməkdaşlarıdır.
Müsabiqə zamanı fiziki hazırlıq üzrə xüsusi məqbulları vermiş, kompüter proqramlarını və xarici dilləri bilən, fiziki hazırlıqlı, müasir dünya görüşünə malik namizədlərə üstünlük verilib.
Müsabiqə komissiyasından keçmiş namizədlər barəsində Penitensiar Xidmətin tabe qurumlarında müvafiq orta rəis heyətinə xidmətə qəbul olunmalarına dair Ədliyyə Nazirinə təqdimatlar göndəriləcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
