Moskva. Fərid Əkbərov - APA. “Bəşər Əsəd Suriyada ilin sonunadək aktiv döyüşlərin başa çatacağını bildirib. Suriya lideri onu Ukrayna prezidenti Viktor Yanukoviçlə müqayisə etməməyi də xahiş edib”.
APA-nın Moskva müxbirinin verdiyi məlumata görə, bunu İmperator Pravoslav Fələstin Cəmiyyətinin sədri Sergey Stepaşin Suriya prezidenti Bəşər Əsədlə Dəməşqdəki görüşünün yekunlarına dair keçirdiyi mətbuat konfransında deyib.
“Əsəd hazırda əla idman görkəmindədir. O, etdiklərinin doğruluğuna şübhə etmir. Əsəd Vladimir Putinə "Mən, Yanukoviç deyiləm" deməyimi də istədi”, - deyə o vurğulayıb.
Stepaşin Dəməşqdə təhlükəsizlik tədbirlərinin görüldüyünü də bildirib: "Əsədin komandasında düşmənlər yoxdur. Onun qohumları dərman ticarəti ilə məşğul olmurlar. Onlar döyüşürlər. Ölkə əhalisi də bunu bilir".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
