APA-nın “Associated Press” agentliyinə istinadən verdiyi məlumata görə, B. Obama Cənubi Koreyaya səfəri zamanı bu ölkədəki 28 min nəfərdən ibarət ABŞ hərbi kontingentinə müraciət edib.
“ABŞ-ın Koreya Respublikasının təhlükəsizliyinin təmin olunmasına dair öhdəliyi təcavüz təhlükəsi qarşısında daha da möhkəmlənir. Biz müttəfiqlərimizin və həyat tərzimizin müdafiəsi üçün hərbi gücdən istifadə etmək məsələsində tərəddüd göstərməyəcəyik”, - deyə B. Obama söyləyib.
Qeyd edək ki, Şimali Koreya öz tarixində dördüncü dəfə nüvə sınağı keçirməyə hazırlaşdığını açıqlayıb.