Bakı. Aqşin Rafiqoğlu - APA-Economics. Azərbaycan Dövlət Neft Fondu (ARDNF) 2014-cü il üçün büdcəsinin proqnozlaşdırılması zamanı neftin qiymətini bir barelə görə 100 dollar məbləğində götürəcək.
“APA-Economics”in məlumata görə, bu barədə jurnalistlərə açıqlamasında ARDNF-in icraçı direktoru Şahmar Mövsümov bildirib.
Onun sözlərinə görə, neftin qiymətinin proqnozlarına yenidən baxılıb: “Müvafiq olaraq gələn ilin büdcəsində neftin bir bareli 100 dollardan hesablanacaq".
Xatırladaq ki, bir neçə həftə əvvəl ARDNF büdcəni neftin bir barelinin qiymətini 90 dollardan formalaşdırmağa hazırlaşırdı.