Bakı - APA. Müsavat başqanının həbsdə olan müşaviri Yadigar Sadıqov barəsində hökmdən verilmiş apellyasiya şikayəti üzrə məhkəmə prosesi Şirvan Apellyasiya Məhkəməsində martın 4-nə təyin edilib.
Bu barədə APA-ya açıqlamasında Y. Sadıqovun vəkili Xalid Bağırov bildirib.
Qeyd edək ki, Y. Sadıqov ötən il iyunun 27-də Lənkəran şəhər sakini, 2-ci qrup Qarabağ əlili Rəşid Kərimovun şikayəti əsasında Lənkəran Şəhər-Rayon Polis Şöbəsində saxlanıb.
Rəşid Kərimov iyunun 25-də Lənkəranın Cavanşir küçəsindəki çayxananın qarşısından keçərkən Yadigar Sadıqovun iki nəfərlə birgə onu döydüyünü bildirib.
Lənkəran Rayon Məhkəməsinin hökmü ilə Y. Sadıqov 6 il müddətinə azadlıqdan məhrum edilib.