Bakı. Əli Əhmədov – APA-Economics. Bu ilin aprel ayında Azərbaycan İpoteka Fondunun (AİF) xətti ilə 16,87 mln. manat həcmində ipoteka krediti verilib. Bu, 2013-cü ilin mart ayına nisbətən 2,2 dəfə, ötən ilin aprel ayına nisbətən isə 29,8% artıqdır.
AİF-dən «APA-Economics»ə verilən məlumata görə, ümumilikdə, bu ilin ilk 4 ayında verilən ipoteka kreditlərinin həcmi 32,06 mln. manat təşkil edib ki, bu da ötən ilin eyni dövrünə nisbətən 39,4% çoxdur.
Ümumilikdə, Azərbaycanda dövlət ipoteka kreditləşməsinin başlandığı 2006-cı ildən indiyədək AİF xətti ilə verilən ipoteka kreditlərinin ümumi həcmi 467,56 mln. manata çatıb. Nəticədə, 2013-cü il mayın 1-nə Azərbaycanda ipoteka kreditinin adambaşına həcmi 48,2 manata çatıb.
Apreldə AİF tərəfindən 8,35 mln. manatlıq ipoteka krediti yenidən maliyyələşdirilib. Ümumilikdə, bu ilin ilk 4 ayında 20,4 mln. manatlıq ipoteka kreditləri yenidən maliyyələşdirilib. Bu, ötən ilin eyni dövrünə nisbətən 23,1% azdır. Nəticədə, indiyədək verilən ipoteka kreditlərinin 363,77 mln. manatı və ya 77,8%-i təkrar maliyyələşdirilib.
Apreldə İpoteka Fondu istiqraz buraxılışı həyata keçirməyib. Nəticədə, ilk 4 ay ərzində buraxılan istiqrazların məbləği 11 mln. manat səviyyəsində qalıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
