Bakı. Viktoriya Dementyeva-APA. “Türkmənistan, Azərbaycan və Avropa Birliyi Xəzər regionundan Avropaya qaz nəqlinin əsas prinsiplərinə dair üçtərəfli sənəd üzərində ciddi, məzmunlu iş aparırlar”. APA-nın İTAR-TASS agentliyinə istinadən yaydığı məlumata görə, bu fikirləri Aşqabadda keçirdiyi mətbuat konfransında Türkmənistanın xarici işlər naziri Rəşid Meredov söyləyib.
XİN başçısı Transxəzər qaz kəmərinin tikintisini kifayət qədər real sayır: “Avropaya enerji nəqlinin etibarlılığı bizim tərəfdaşlıq sxemimizi necə qurmağımızdan asılıdır”.