Bakı – APA. Şotlandiyanın Qlazqo şəhərində polis vertolyotunun pivəxananın damına düşməsi nəticəsində ölənlərin sayı 6 nəfərə çatıb.
APA-nın “RİA Novosti”yə istinadən xəbərinə görə, yaralıların sayının 32 nəfər olduğu bildirilir. Onların hamısı yerli tibb müəssisələrinə yerləşdirilib.
Dağıntılar altında nə qədər adamın qaldığı bəlli deyil. Hadisə baş verdiyi an barda 100 nəfərdən çox olub. Orada konsert keçirilirmiş. Helikopterdə isə 3 nəfər - iki polis və pilot olub.