Bakı. Aqşin Rafiqoğlu – APA-Economics. Ötən il ərzində «Azərsu» ASC-nin xidmət göstərdiyi abunəçilərin sayı 80 min və ya 7% artıb.
«Azərsu»dan «APA-Economics»ə verilən məlumata görə, bu ilin yanvarın 1-nə ölkə üzrə 1 218 143 abunəçi su və kanalizasiya xidmətlərinin istifadəçisi kimi qeydiyyata alınıb. İstehlakçıların 1 177 236-sı və ya 97%-ni əhali, 40 907-si və ya 3%-ni isə qeyri-əhali qrupu abunəçiləri təşkil edir.
İl ərzində abunəçi sayında artım əsasən yeni layihələrin icrası nəticəsində istehlakçıların mərkəzləşdirilmiş su təchizatı və kanalizasiya şəbəkələrinə qoşulması, içməli su və kanalizasiya xidmətlərindən qeyri-qanuni istifadə hallarının aşkarlanaraq qeydiyyata alınması hesabına baş verib.
2013-cü ildə sayğaclaşma səviyyəsi 9 faiz bəndi artaraq 57%-ə çatıb. Bu ilin yanvarın 1-nə su təchizatı xidməti göstərilən abunəçilərin 670 mini sayğacla təmin olunub. Sayğaclaşma səviyyəsi əhali qrupu abunəçiləri üzrə 54,6%, qeyri-əhali qrupu abunəçiləri üzrə isə 85,5% təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
