Bakı. Real Cəfərli - APA. İranda ağır yol qəzası baş verib. APA-nın İRNA-ya istinadən verdiyi məlumata görə, hadisə iyunun 26-da Qum şəhərində olub.
Yük maşını ilə 5 minik avtomobilinin toqquşması nəticəsində 5 nəfər ölüb, 11 nəfər müxtəlif dərəcəli bədən xəsarətləri alıb. Yaralılar Qum şəhərinin Şəhid Beheşti xəstəxanasına qaldırılıblar. Hazırda hadisənin baş vermə səbəbləri araşdırılır.