ABŞ-ın Azərbaycandakı səfirliyinin müvəqqəti işlər vəkili Gəncəyə səfər edib - FOTOSESSİYA

ABŞ-ın Azərbaycandakı səfirliyinin müvəqqəti işlər vəkili Gəncəyə səfər edib - <span style="color: red;">FOTOSESSİYA
# 09 yanvar 2014 13:44 (UTC +04:00)

Gəncə. Azər Məmmədli – APA. ABŞ-ın Azərbaycandakı səfirliyinin müvəqqəti işlər vəkili Derek Hoqan Gəncəyə səfər edib.

APA-nın qərb bürosunun verdiyi məlumata görə, Derek Hoqan şəhər İcra Hakimiyyətinin başçısı Elmar Vəliyevlə görüşüb. Müvəqqəti işlər vəkili səfərinin tanışlıq məqsədi daşıdığını, Gəncənin iqtisadi, ictimai- siyasi həyatı ilə tanış olaraq şəhərdə bir sıra tədbirlərə qatılacağını bildirib.

Öz növbəsində Elmar Vəliyev Gəncədə görülən tədbirlər barədə məlumat verib. İcra başçısı deyib ki, son 3 ildə Gəncədə 30 yaxın orta məktəb binası, 10-a yaxın uşaq bağçası təmir edilərək istifadəyə verilib. E.Vəliyev həmçinin Gəncədə Heydər Əliyev parkının təmir edilərək istifadəyə verildiyini bildirib, Məhsəti Gəncəvi Mərkəzi, Nizami Gəncəvi və Mirzə Şəfeh Vazeh muzeylərinin tikintisinin önəmini qeyd edib.

Müvəqqəti işlər vəkili Derek Hoqan bildirib ki, 5 aydır Azərbaycana gəlib və ölkə ilə, xüsusən də respublikanın ikinci böyük şəhəri ilə yaxından tanış olur.

“Biz Azərbaycanla əlaqələrimizin mümkün qədər dərin və geniş olmasını istəyirik. Ona görə də bir sıra sahələrin nümayəndələri ilə görüşlər keçiririk. Onların arasında Azərbaycan Dövlət Aqrar Universitetində (ADAU) tələbə və müəllim kollektivi ilə görüşümüz, vətəndaş cəmiyyətinin nümayəndələri, iqtisadi sahədə çalışanlarla görüşlərimizi və müzakirələrimiz nəzərdə tutulur”, - deyə Derek Hoqan bildirib.

Qeyd edək ki, Elmar Vəliyevlə görüşdən sonra qonaqlar Amerika Mərkəzində və Azərbaycan Dövlət Aqrar Universitetində görüş keçirəcək.

#
#

ƏMƏLİYYAT İCRA OLUNUR