Bakı. Pərviz Nuriyev - APA-Economics. Cari ilin iyun ayının 1-nə Azərbaycanda fəaliyyət göstərən 44 kommersiya bankı (fəaliyyətini yenicə bərpa edən “Kövsər Bank” daxil olmaqla) tərəfindən əldə olunan mənfəət 237,48 mln. manat, mənfəətlə işləyən bankların sayı 34 olub.
“APA-Economics”in Azərbaycan Mərkəzi Bankının (AMB) statistikasına istinadən verdiyi məlumata görə, bu, göstərici ötən ilin müvafiq dövrü ilə müqayisədə 63,43% və ya 92,17 mln. manat çoxdur.
İyun ayının 1-nə zərərlə işləyən bankların sayı 10, onların məcmu zərəri isə 32,57 mln. manat olub. 2013-cü ilin analoji dövründə zərərlə işləyən bankların sayı 4 olub ki, onların məcmu zərərinin həcmi 8,12 mln. manat olub.