Bakı. Hafiz Heydərov - APA. Azərbaycanla Türkiyə arasında 2014-cü il üçün illik hərbi əməkdaşlıq Planına uyğun olaraq Türkiyə Hərbi Hava Qüvvələrinin İşıklar Hərbi Liseyinin nümayəndə heyəti ölkəmizə tanışlıq səfərinə gəlib.
Müdafiə Nazirliyinin mətbuat xidmətindən APA-ya verilən məlumata görə, səfər çərçivəsində qonaqlar mayın 20-də Cəmşid Naxçıvanski adına Hərbi Liseydə olublar.
Türkiyə nümayəndə heyəti Hərbi Liseyin komandanlığı ilə görüşüb, məktəbin ərazisi, tədris korpusları, inzibati və yardımçı binalarla, liseyin muzeyi ilə tanış olub, kursantlarla birlikdə nahar ediblər.
Səfər mayın 23-də sona çatacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
