Bakı. Turan Şakir - APA. İyunun 26-da Mədəniyyət və Turizm Nazirliyinin dəstəyi ilə Moskvadakı Mərkəzi Rəssamlar Evində əməkdar rəssam Tahir Məmmədovun rəngkarlıq əsərlərindən ibarət fərdi sərgisi açılacaq.
APA-nın məlumatına görə, iyulun 7-dək davam edəcək sərgidə rəssamın Tretyakov Qalereyasında (Moskva), "Şərq Xalqları" muzeyində (Moskva), Bədii Sərgilər Direktorluğunun fondunda (Moskva), "ARTS Turnelle" sərgi salonunda (Paris), "Edmon Rozenfeld" qalereyasında (Paris), o cümlədən ABŞ, Almaniya, Yaponiya və Türkiyədə şəxsi kolleksiyalarda saxlanılan əsərləri nümayiş olunacaq.