Bakı. Aqşin Rafiqoğlu - APA-Economics. Bakıda növbəti Azərbaycan-Rusiya biznes forumu keçiriləcək.
Azərbaycanda İxracın və İnvestisiyaların Təşviqi Fondundan (Azpromo) “APA-Economics”ə verilən məlumata görə, biznes forum oktyabrın 16-da Rusiyanın Sankt-Peterburq şəhərinin iş adamlarından ibarət nümayəndə heyətinin ölkəmizə səfəri çərçivəsində baş tutacaq.
Forum İqtisadiyyat və Sənaye Nazirliyinin dəstəyi və Azpromo-nun təşkilatçılığı keçiriləcək.
Biznes forumda iqtisadiyyatın müxtəlif sahələrinin təmsil edən 15-dək Rusiya şirkətinin iştirakı nəzərdə tutulur. Azərbaycanlı iş adamları və sahibkarlar biznes forumda iştirak etməyə dəvət edilir.
Qeyd edək ki, bu, bu il Azərbaycanla Rusiya arasında baş tutan sayca 5-ci biznes forumdur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
