Bakı – APA. Azərbaycan prezidenti İlham Əliyev Məhkəmə-Hüquq Şurasının və Hakimlərin Seçki Komitəsinin üzvlərinə “Əməkdar hüquqşünas” fəxri adının verilməsi haqqında sərəncam imzalayıb.
APA-nın məlumatına görə, hakim vəzifəsini nümunəvi yerinə yetirdiklərinə, Məhkəmə-Hüquq Şurasında və Hakimlərin Seçki Komitəsində səmərəli fəaliyyətlərinə görə Məmmədov Rafiq Uğuz oğlu və Nağıyev İman Məmməd oğluna “Əməkdar hüquqşünas” fəxri adı verilib.