Bakı. Hafiz Heydərov – APA. Bakı şəhər Baş Polis İdarəsi paytaxtda yol polisi əməkdaşının həbs edilməsi barədə yayılan məlumatları təkzib edib.
İdarədən APA-ya bildirilib ki, Nəsimi Rayon Polis İdarəsinin Dövlət Yol Polisi Şöbəsinin əməkdaşının guya rüşvət alarkən həbs olunması ilə bağlı bəzi KİV-də yayılan məlumatlar həqiqətə uyğun deyil.
İdarədən həmçinin bildirilib ki, Nəsimi Rayon Polis İdarəsinin Dövlət Yol Polisi Şöbəsində Rəşad Quliyev adlı əməkdaş çalışmır.
Qeyd edək ki, ötən gün bəzi KİV-də Nəsimi Rayon Polis İdarəsinin Dövlət Yol Polisi Şöbəsinin inspektoru Rəşad Quliyevin sürücüdən rüşvət alarkən həbs edilməsi barədə məlumatlar yayılıb.