Bu ilin yanvar-mart aylarında Azərbaycanda neft məhsullarının istehsalı sahəsində istehsalın ümumi dəyəri 712,8 mln. manat olmaqla əvvəlki ilin analoji dövrü ilə müqayisədə 0,6% azalıb.
Dövlət Statistika Komitəsindən “APA-Economics”ə verilən məlumata görə, neft məhsullarından ağ neftin istehsalı 5,5%, yanacaq mazutunun istehsalı 89,9% azalıb.
Avtomobil benzininin istehsalı 0,4% artaraq 307,6 min ton, dizel yanacağının istehsalı 6,4% artaraq 477,8 min ton təşkil edib.
Bu ilin yanvar-mart aylarında sürtkü yağlarının istehsalı 40,5% artaraq 5,2 min ton, neft bitumunun və neft koksunun istehsalı müvafiq olaraq 3,4 dəfə və 53,3% artıb. Nəticədə ötən üç ayda neft bitumunun istehsalı 58,8 min ton, neft koksunun istehsal həcmi isə 63,6 min ton olub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
