Bakı. Məlahət Nəcəfova-APA. Parisdə baş verən terror aktı ilə bağlı şəhər kənarındakı Sen-Deni bölgəsində polis tərəfindən aparılan xüsusi əməliyyat zamanı 3 nəfər saxlanılıb. APA-nın məlumatına görə, bu barədə yerli BFM televiziyası məlumat yayıb. Daha 2-3 nəfər şübhəli şəxs mənzillərdən birində mühasirədədir. Həmçinin bildirilir ki, ərazidə atışma səsləri eşidilmir, amma helikopterlər havadan bölgəni nəzarətdə saxlayırlar.
Əməliyyatın məqsədinin terror aktının təşkilatçısı Abdelhamid Abaudu ələ keçirmək olduğu deyilir.
Xatırladaq ki, noyabrın 13-də Parisdə törədilmiş silsilə partlayışlar nəticəsində 129 nəfər ölüb, 352 nəfər yaralanıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
