Bakı. Musa Əhmədov – APA-Economics. Azərbaycanın ilk mobil operatoru və aparıcı mobil internet provayderi “Bakcell” şirkəti Bakının Şixəli Qurbanov küçəsi, 7A ünvanında yeni “Bakcellim” mağazası açıb.
“APA-Economics”in məlumatına görə, Füzuli dairəsi (“Beşmərtəbə”) yaxınlığında yerləşən “Bakcell” satış və xidmət nöqtəsi “Cin”, “Klass” və “Gold” abunəçiləri üçün tam çeşiddə məhsul və xidmətlərlə yanaşı, ən son model telefonlar, planşetlər və aksesuarların satışını abunəçilərə təqdim edir.
“Məqsədimiz “Bakcell” abunəçilərinə ən yüksək səviyyədə xidmət göstərmək və bu xidmətləri təqdim edən mərkəzləri abunəçilərimiz üçün daha yaxın və əlçatan etməkdir. Bu məqsədlə biz ölkə üzrə satış və xidmət şəbəkəsini daim genişləndiririk”- deyə “Bakcell” şirkətinin baş icraçı direktoru Riçard Şirer bildirib.
Qeyd edək ki, 300- dən artıq pərakəndə satış nöqtəsi, o cümlədən paytaxt və bölgələrdə fəaliyyət göstərən 26 Müştəri Xidmətləri Mərkəzində “Bakcell” abunəçilərinə ən üstün müştəri xidməti göstərilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
