Hərbi

Ana səhifə

Hərbi

Azərbaycan MN: Raketləri Ermənistan istiqamətində tuşlanmış ordumuz İrəvanı belə yerlə yeksan etmək əmrini icra etməyə hazırdır - VİDEO

Azərbaycan MN: Raketləri Ermənistan istiqamətində tuşlanmış ordumuz İrəvanı belə yerlə yeksan etmək əmrini icra etməyə hazırdır - <span style="color: red;">VİDEO

08 avqust 2014 10:06 (UTC +04:00)

Bakı. Hafiz Heydərov - APA. Azərbaycan Müdafiə Nazirliyi Ermənistanın müdafiə naziri Seyran Ohanyanın iddialarına cavab verib.

Nazirliyin mətbuat xidmətindən APA-ya verilən məlumatda deyilir: “Ermənistanın müdafiə naziri Seyran Ohanyanın Mingəçevir Su Elektrik Stansiyasına qarşı diversiya törədilməsi barədə səsləndirdiyi fikrə cavab olaraq bildiririk ki, belə bir hadisə baş verərsə, Silahlı Qüvvələrimizin cavabı dərhal və layiqli olacaq. Silahlı Qüvvələrimiz işğal olunmuş rayonlarımızda və Ermənistan Respublikasının ərazisində yerləşən düşmənin bütün hərbi obyektlərinə zərbə endirmək imkanlarına malikdir. Ermənistan tərəfindən Mingəçevir Su Elektrik Stansiyasına qarşı hər hansı təxribat cəhdləri baş verərsə, erməni xalqı bilməlidir ki, bunun cavabı onlar üçün daha acınacaqlı olacaq”.

Müdafiə Nazirliyi bəyan edib ki, raketləri Ermənistan Respublikası istiqamətində tuşlanmış ordumuz düşmən ölkənin paytaxtı İrəvan şəhərini belə yerlə yeksan etmək əmrini icra etməyə hazırdır.